سازمان عفو بینالملل ویلي چې روسیه د اوکراین جګړې ته د بهرنیو اتباعو جذبولو لپاره د فریب، اجبار او دروغو وعدو څخه کار اخلي، چې دا پروسه په ګڼو مواردو کې د "انسانانو قاچاق" تعریف ته راځي.
د عفو بینالملل په یوه راپور کې چې د سنبله په ۱۹مه خپور شو، د ۱۲ بهرنیو اتباعو سره خبرې شوې چې د کلمبیا، کوبا، مصر، سومالی او افریقای جنوبی هیوادونو څخه دي او په اوکراین کې د جګړې اسیرانو په دوو کمپونو کې ساتل شوي. د دې راپور له مخې، یوازې درې کسان پوهیدل چې د جګړې لپاره به ولېږل شي.
باقي کسان وایي چې د لوړ معاش، انعامونو او حتی د روسیې تابعیت د ترلاسه کولو وعدو سره جذب شوي، خو دا وعدې په بشپړه توګه نه دي پوره شوي. اگنس کالامار، د عفو بینالملل سرمنشي، وویل چې د دې مواردو کې د "استثمار او اجبار" کچه دې ته رسېدلې چې سازمان دې پایلې ته ورسیږي چې دا ټول د ملګرو ملتونو د پالرمو پروتوکول له مخې د انسانانو قاچاق ته راځي.
عفو بینالملل همدارنګه ویلي چې د ۲۰۲۵ کال د می میاشتې راهیسې په روسیه کې د دې سازمان فعالیتونه بند شوي، چې له امله یې په دې هیواد کې د تحقیقاتو ترسره کول ناشوني دي.
موضوع: روسیه د اوکراین جګړې لپاره بهرني اتباع جذبوي
سرچینه: Azadi Radio جهان
