د امریکا ولسمشر ډونالډ ټرمپ اداره پلان لري چې په قطر کې د افغانانو د اوسېدو کمپ موده نهه میاشتې نوره هم وغځوي. د لاس انجلس ټایمز ورځپاڼې د امریکايي چارواکو په حواله راپور ورکړی چې د بهرنیو چارو وزیر مارکو روبیو به په دې اړه یو سند منظور کړي.
د "السیلیه" کمپ چې ټاکل شوې د چهارشنبې په ورځ وتړل شي، په کې ۱۰۳۹ افغانان اوسي. دا افغانان اکثره هغه کسان دي چې د افغانستان د شل کلنې جګړې پر مهال له امریکايي ځواکونو سره همکاري کړې او یا د امریکايي پوځیانو د کورنیو غړي دي.
د امریکا د بهرنیو چارو وزارت ویلي، په راتلونکو نهو میاشتو کې به هڅه وکړي چې د دغو افغانانو د رضاکارانه بیا مېشتېدو لپاره مناسبې لارې ومومي. د "افغانایواک" د معلوماتو له مخې، د دې کمپ ۷۰ سلنه اوسېدونکي ښځې او ماشومان دي.
د یادونې وړ ده چې د افغانانو د اوسېدو دغه کمپ د هغو کسانو لپاره دی چې د افغانستان د جګړې پر مهال د امریکايي ځواکونو سره په مختلفو برخو کې همکاري کړې، او اوس د خپل امنیت لپاره په قطر کې پناه اخیستې ده. د دې کمپ د موده غځول به د دغو افغانانو لپاره د لا زیاتو امکاناتو او مرستو زمینه برابره کړي.
د ټرمپ ادارې د دې پروسې په اړه لا هم رسمي اعلان نه دی کړی، خو د امریکايي چارواکو په وینا، د افغانانو د بیا مېشتېدو لپاره به د مناسبې لارې موندلو هڅې روانې وي.
موضوع: د افغانانو د اوسېدو کمپ په قطر کې
سرچینه: Azadi Radio Pashto NEWS
