امریکایان به د نومبر په درېیمه نېټه منځمهاله ټاکنو ته لاړ شي، چې دا ټاکنې د کانګرس په ځواک کې بدلون راوستلی شي او د دونالد ترمپ د ولسمشرۍ پاتې دوه کلونو باندې اغېز وکړي.
په دې ټاکنو کې د ۴۳۵ کرسیو د مجلس نمایندګانو او د سنا د ځینو کرسیو برخلیک ټاکل کیږي. په اوس وخت کې، جمهوري غوښتونکي د کانګرس دواړه مجلسونه کنټرولوي، خو دیموکراتان هڅه کوي چې په یوه یا دواړو مجلسونو کې اکثریت ترلاسه کړي ترڅو د ترمپ سیاسي ځواک محدود کړي.
د رویټرز خبري اژانس د نومبر په دویمه نېټه راپور ورکړی چې د امریکا اقتصادي وضعیت، د بیو لوړوالی، د ترمپ د حکومت د مهاجرت سیاستونه او د امریکا او ایران ترمنځ جګړه د رایه ورکوونکو په پریکړو باندې مهم اغېز لري. سره له دې چې اقتصادي وده او د کار بازار نسبتاً باثباته دی، خو ډېری امریکایان د ژوند د لګښتونو له لوړې کچې ناخوښ دي.
د راپور له مخې، د کانګرس د دواړو مجلسونو کنټرول لپاره سیالي حساسه ده. دیموکراتان د سنا په مجلس کې د اکثریت لپاره څلور کرسیو ته اړتیا لري. دیموکراتان هیله لري چې د ترمپ د حکومت د سیاستونو په اړه د رایه ورکوونکو ناخوښي د دوی په ګټه تمامه شي، پداسې حال کې چې جمهوري غوښتونکي د اقتصادي سیاستونو، د سرحدونو امنیت او مهاجرت په اړه د رایه ورکوونکو ملاتړ ساتلو هڅه کوي.
دا ټاکنې د ترمپ د دویمې دورې د ولسمشرۍ لپاره د عامه ملاتړ د کچې د ازموینې په توګه هم ګڼل کیږي. که دیموکراتان د کانګرس په یوه مجلس کې اکثریت ترلاسه کړي، نو دوی به وکولی شي د حکومت د کړنو په اړه زیاتې څارنې او تحقیقات ترسره کړي او د ترمپ د ځینو پروګرامونو تصویب به سخت کړي. برعکس، که جمهوري غوښتونکي خپل اکثریت وساتي، نو د امریکا ولسمشر به د خپلو داخلي پروګرامونو د پرمختګ لپاره زیات ملاتړ ولري.
رأیگیری به د نومبر په درېیمه نېټه په ټوله امریکا کې ترسره کیږي. تمه کیږي چې لومړۍ پایلې د رأی ورکولو د مرکزونو د تړلو وروسته اعلان شي، خو د ځینو نږدې سیالیو پایلې ممکن وخت ونیسي. د دې ټاکنو پایله به په واشنګتن کې د قدرت توازن او د امریکا د داخلي او خارجي سیاستونو په لاره کې مهم اغېز ولري.
موضوع: د امریکا منځمهاله ټاکنې
سرچینه: Azadi Radio گزارش ها
