د جنوبي کوریې د دفاع وزارت خبر ورکړی چې کوریای شمالي د دې هېواد ختیځ ته څو راکټونه ویشتلي دي. دا اقدام په داسې حال کې ترسره کیږي چې کوریای شمالي د متحده ایالاتو سره د مذاکراتو د بیا پیلولو مخالفت کړی او د راکټي فعالیتونو په زیاتولو کې بوخت دی.
د رویټرز خبري اژانس په حواله، د جنوبي کوریې د دفاع وزارت د چهارشنبې په ورځ، د عقرب ۱۳مه، اعلان وکړ چې د دې هېواد پوځ څو راکټونه شناسایي کړي چې د کوریای شمالي د سوندوک ساحلي سیمه څخه ویشتل شوي دي. دا د کوریای شمالي لخوا په یوه میاشت کې څلورم راکټي آزموینه ګڼل کیږي.
د سئول چارواکو ویلي چې د جنوبي کوریې او امریکا ځواکونه د دې راکټي پرتابونو تفصیلاتو ته کتنه کوي او د پیونګ یانګ د احتمالي اقداماتو په وړاندې د غبرګون لپاره چمتووالی لري. کوریای شمالي په روان کال کې څو راکټي آزموینې ترسره کړي دي.
د تازه راکټونو ویشتل یوازې څو ساعته وروسته له هغې ترسره شول چې کیم یو جونګ، د کوریای شمالي رهبر کیم جونګ اون خور، وویل چې تر هغې چې متحده ایالات د هغې په وینا خپل خصمانه سیاستونه نه بدلوي، پیونګ یانګ د واشنګټن سره د مذاکراتو لپاره هیڅ تمایل نه لري.
دا په داسې حال کې ده چې د امریکا پخواني ولسمشر ټرمپ مخکې ویلي و چې د کوریای شمالي رهبر سره د دې کال تر پایه بیا لیدو ته چمتو دی.
موضوع: کوریای شمالي د جنوبي کوریې ختیځ ته راکټونه ویشتلي
سرچینه: Azadi Radio خبر ها
