د امریکا ولسمشر ډونالډ ټرمپ په تازه بیان کې ویلي چې امریکایي ځواکونه له عراق څخه په منظم ډول وتلي، په داسې حال کې چې د افغانستان د وتلو پروسه ګډوډه وه. سپینې ماڼۍ د ولسمشر ټرمپ دغه څرګندونې تېره شپه خپرې کړې.
ولسمشر ټرمپ د عراق د وتلو پروسه د افغانستان د وتلو سره پرتله کړې او ویلي یې دي چې په افغانستان کې د امریکایي ځواکونو د وتلو پر مهال ګڼ پوځي تجهیزات او وسایل شاته پرېښودل شول، چې له امله یې ۱۳ امریکایي سرتیري هم ووژل شول.
هغه یادونه وکړه چې امریکا په افغانستان کې خپل شل کلن پوځي حضور د ۲۰۲۱ کال په اګست کې پای ته ورساوه، او له دې ځایه د وتلو په بڼه او رامنځته شوې ګډوډۍ باندې یې له پیل څخه نیوکې کړي.
ټرمپ د عراق د امریکایي ځواکونو وتل بریالي او منظم بللي، او ویلي یې دي چې دا د امریکایي ځواکونو د څه باندې دوو لسیزو حضور پای ته رسولو ته اشاره کوي.
امریکا په ۲۰۰۳ کال کې د پخواني ولسمشر جورج ډبلیو بوش په دوره کې په عراق کې پوځي عملیات پیل کړل، چې دا عملیات د بارک اوباما او جوبایډن په دورو کې هم دوام وموند. په پای کې، د ولسمشر ټرمپ په دوره کې، دا عملیات په ۲۰۲۶ کال کې رسمي توګه پای ته ورسیدل.
موضوع: د امریکا له عراق څخه د ځواکونو وتل
سرچینه: Azadi Radio Pashto NEWS
