د افغانستان ملي کرکت ټیم په درې اړخیزه یو ورځنیو سیالیو کې دویمه لوبه ترسره کړه او بنګلهدیش ته یې د اوو ویکټو په توپیر سره ماتې ورکړه، چې له دې سره یې پایلوبې ته لار ومونده. بنګلهدیش په ۴۱.۲ اوورونو کې د ټولو لوبغاړو له لاسه ورکولو سره ۱۶۰ منډې جوړې کړې. افغانستان د ټاکل شوې هدف په ترلاسه کولو کې ۳۶ اوورونه وکارول او یوازې درې لوبغاړي یې له لاسه ورکړل. راشد خان د افغانستان د ټیم غوره توپ انداز و، چې څلور حریف لوبغاړي یې له میدان څخه وباسي. رحمتشاه ۶۷، حشمتالله شهیدی ۳۵ او ابراهیم زدران ۳۴ منډې جوړې کړې، چې د ټیم په بریا کې یې مهمه ونډه درلوده. افغانستان چې په لومړۍ لوبه کې زیمبابوې ته هم ماتې ورکړې وه، د اکتوبر په ۲۳ نېټه به بیا د زیمبابوې سره د پایلوبې لپاره مخامخ شي.
په همدې حال کې، د افغانستان د کرکت د ۱۹ کلنو لوبډله هم د بنګلهدیش د ۱۹ کلنو لوبډلې ته د ۴۳ منډو په توپیر سره ماتې ورکړه. په دې ۵۰ اووریزه لوبه کې، افغانستان د بنګلهدیش لپاره ۲۳۸ منډې هدف وټاکه. بنګلهدیش په پیل کې ښه توپ وهنه وکړه او د لوبې په اوږدو کې یې د بریا احساس وکړ، خو د افغانستان د لوبغاړو غوره توپ اندازۍ په پای کې د بنګلهدیش لوبغاړي یو په بل پسې له میدان څخه ووتل. مخکې له دې، بنګلهدیش په لومړۍ ۵۰ اووریزه لوبه کې بریالی شوی و، خو دویمه لوبه مساوي پای ته رسېدلې وه.
موضوع: افغانستان د کرکت سیالۍ
سرچینه: Azadi Radio افغانستان
