مقصد بابایف، د ترکمنستان د دولتي ګاز شرکت "ترکمنگاز" رئیس، ویلي چې دغه هېواد پلان لري په ۲۰۲۶ کال کې د تاپی له لارې افغانستان ته د طبیعي ګاز انتقال پیل کړي. د ترکمنستان رسنۍ په چهارشنبه، د میزان ۲۹مه، راپور ورکړی چې د سرحدآباد او هرات ترمنځ د ګاز د پایپ لاین جوړولو کار روان دی او تر ډېره بریده بشپړ شوی دی.
د دې پایپ لاین د کلني انتقال ظرفیت ۳۳ میلیارد متر مکعب ګاز دی. بابایف همدارنګه ویلي چې د تاپی پروژه نه یوازې د انرژۍ انتقال لپاره مهمه ده، بلکې د سیمه ییزو اقتصادي همکاریو پیاوړتیا کې هم مهم رول لري.
د ترکمنستان او افغانستان دولتي ګاز شرکتونو ترمنځ د هرات ته د ګاز د انتقال په اړه یوه تفاهمنامه هم لاسلیک شوې ده. بابایف زیاته کړې چې ترکمنستان د ګاز د صادراتو لارو د پراختیا، د تولید ټیکنالوژۍ نوسازي او د میتانو ګاز د خپرېدو د کمولو لپاره هم هڅې کوي.
دا پروژه د سیمه ییزې همکارۍ او اقتصادي ودې لپاره یوه مهمه لاره ګڼل کیږي، چې د دواړو هېوادونو ترمنځ د اړیکو پیاوړتیا کې مرسته کوي. د ګاز د انتقال دغه پروسه به نه یوازې د افغانستان د انرژۍ اړتیاوې پوره کړي، بلکې د ترکمنستان لپاره هم د صادراتو یوه نوې لاره پرانیزي.
موضوع: ترکمنستان د ګاز انتقال افغانستان ته
سرچینه: Azadi Radio خبر ها
