یونسکو: افغانستان کې لا هم میلونونه ماشومان له زدکړو بې برخې دي

یونسکو د افغانستان په اړه تازه راپور کې ویلي چې لا هم په دې هېواد کې میلیونونه ماشومان له زدکړو بې برخې دي. د دې راپور له مخې، د جګړو، اقتصادي ستونزو او د تعلیمي سیستم د کمزورتیا له امله، د ماشومانو د زده کړو کچه په ټیټه سطحه پاتې شوې ده. په ځانګړي ډول، د نجونو د زده کړو وضعیت نازک دی، چې دې ته یې د ټولنې او کلتور مختلفې ستونزې هم اضافه کړې دي. یونسکو په دې راپور کې د نړیوالې ټولنې غوښتنه کړې چې د افغانستان د ماشومانو د زده کړو لپاره لا زیاتې هڅې وکړي. د دې راپور له مخې، د تعلیمي امکاناتو کمښت او د ښوونکو نشتوالی د دې ستونزې د حل لپاره مهمې خنډونه دي.