امریکا: په منرالونو د پانګونې لپاره طالبانو سره د تعامل پلان نلرو

د امریکا حکومت د طالبانو سره د منرالونو په برخه کې د پانګونې لپاره د تعامل پلان نلري. په دې اړه د امریکا د بهرنیو چارو وزارت ویاندې ویلي چې د طالبانو حکومت سره د اقتصادي همکاریو په اړه کوم رسمي پروګرام نه لري. دا څرګندونې په داسې حال کې کیږي چې طالبانو د افغانستان د طبیعي زیرمو د استخراج او مدیریت لپاره نړیوالو پانګوالو ته بلنه ورکړې. د امریکا حکومت د طالبانو د حکومت په رسمیت نه پیژندلو او د بشري حقونو د سرغړونو په اړه اندیښنې لري. د دې موضوع په اړه د نړیوالو اړیکو کارپوهان وايي چې د طالبانو سره تعامل په دې برخه کې به د نړیوالو اصولو او معیارونو سره سم وي.