متقي: په ځینو ګاونډیو هېوادونو کې د نشه يي توکو پراخ کښت افغان خاورې ته یوه جدې اندېښنه ده

د افغانستان د بهرنیو چارو وزیر امیرخان متقي په یوه تازه څرګندونه کې ویلي چې په ځینو ګاونډیو هېوادونو کې د نشه يي توکو پراخ کښت د افغانستان لپاره یوه جدي اندېښنه ده. متقي د دې مسلې د حل لپاره د نړیوالو همکارۍ غوښتنه کړې او ټینګار یې کړی چې د نشه يي توکو کښت او قاچاق د افغانستان د امنیت او ثبات لپاره ګواښ دی. هغه زیاته کړه چې د نشه يي توکو د کښت مخنیوي لپاره باید د ګاونډیو هېوادونو ترمنځ همغږي او ګډې هڅې وشي. متقي د دې موضوع په اړه د نړیوالې ټولنې د پام اړولو غوښتنه وکړه، ترڅو د افغانستان د خلکو د ژوند کیفیت ښه شي او د نشه يي توکو د کښت د مخنیوي لپاره مؤثر ګامونه واخیستل شي.