د ایران د بهرنیو چارو وزیر عباس عراقچي ویلي چې تهران او مسکو په افغانستان کې د ګډې تګلارې په لور روان دي، چې هدف یې د کابل او اسلام آباد ترمنځ د تنش کمول او د ترهګریزو ګواښونو مخنیوی دی. عراقچي دغه څرګندونې د دوشنبې په ورځ د تهران په ښار کې د روسیې د بهرنیو چارو وزیر سرګي لاوروف سره په ګډه خبري کنفرانس کې وکړې.
له دې وړاندې، د پاکستان لپاره د روسیې سفیر البرت خوروف ویلي و چې مسکو د افغانستان او پاکستان ترمنځ د تنش کمولو لپاره کار کوي. خوروف زیاته کړه چې د روسیې د کورنیو چارو وزیر ولادیمیر کولا کولتسف د اسلام آباد په سفر کې د افغانستان په اړه خبرې کړې وې او روسیې د دې موضوع په اړه د همکارۍ چمتووالی څرګند کړی دی.
هغه وویل چې د دورند کرښې د تګ راتګ بندیدل د پاکستان تجارت ته له روسیې او مرکزي آسیا سره منفي اغیزه کړې ده. خوروف همدارنګه د امریکا د بندیزونو یادونه وکړه چې د تجارت د پراختیا په لاره کې خنډ ګرځي.
خوروف څرګنده کړه چې د کابل او اسلام آباد ترمنځ د تنش حل به د ټولې سیمې لپاره ګټه ولري او هیله یې څرګنده کړه چې د دورند کرښې تګ راتګ ژر تر ژره بیا پرانستل شي.
موضوع: افغانستان او پاکستان ترمنځ د تنش کمول
سرچینه: Ariana NEWS
