د ایران او امریکا ترمنځ د هرمز تنگه د بیا پرانستلو او جګړې د پای ته رسېدو په اړه د امیدونو سره، یوه کشتۍ د دې آبی لارې په ورودی کې د برید هدف ګرځېدلې ده. ایرانی رسنۍ او ځینې نړیوالې شبکې راپور ورکړی چې د یکشنبې په شپه (۱۸ اسد) یوه کشتۍ د عمان ساحل ته نږدې د کروز توغندي په واسطه ویشتل شوې ده. د ایرانۍ ورځپاڼې «دنیای اقتصاد» په حواله، دغه کشتۍ د «متخلف» په توګه یاد شوې ده. ورځپاڼه لیکي چې یوه کشتۍ د عمان په لور د سمندري کروز توغندي له خوا ویشتل شوې ده.
په همدې حال کې، د دې پېښې اړوند عکسونه د یوه کشتۍ د اور اخیستلو حالت په سمندر کې ښیي. راپورونه وایي چې دغه کشتۍ د عمان په ساحل کې، د کومزار په سیمه کې، د مسندم ټاپو په ورودی کې، د برید وروسته اور اخیستی دی. تر اوسه پورې د ایران او عمان چارواکو په دې اړه رسمي څرګندونې نه دي کړي.
خو د «بریتانیا د سمندري سوداګرۍ عملیاتو سازمان» د تیرې شپې پېښې ته اشاره نه کوي، خو په یوه اعلامیه کې یې ویلي چې د ایران د سپاه پاسداران لخوا د هرمز تنگه کې د کشتیو پر ضد تهدیدونه او بریدونه لا هم دوام لري. دغه سازمان وایي چې د شنبې په ورځ یوه نفتکش چې د متحده عربي اماراتو پورې اړه لري، په دې آبی لاره کې هدف ګرځېدلی دی. د سوداګرۍ تګ راتګ د هرمز تنگه له لارې لا هم په ټیټه کچه او د څو کشتیو په اندازه پاتې دی.
دغه اداره زیاتوي چې د سپاه پاسداران بریدونه او فعالیتونه، لکه د کشتیو د پیژندلو لپاره د رادیو اړیکو جوړول، د بې پیلوټه الوتکو الوتنې او د تجارتي کشتیو هدفمند څارنه، لا هم دوام لري.
موضوع: په هرمز تنگه کې د کشتۍ برید
سرچینه: روزنامه اطلاعات روز
