د ملګرو ملتونو د بشردوستانه چارو هماهنګونکي دفتر (اوچا) د افغانستان لپاره د استرالیا له خوا ۹ میلیون استرالیایي ډالرو مرستې خبر ورکړی دی. دا مرسته چې معادل ۶.۳۴ میلیون امریکایي ډالرو ده، د ۱۳ اسد په ورځ په اوچا د اکس پاڼه کې اعلان شوه.
اوچا د استرالیا له دې سخاوتمندانه مرستې څخه مننه کړې او ویلي یې دي چې په داسې حال کې چې بشردوستانه اړتیاوې ورځ تر بلې زیاتېږي او سرچینې محدودې دي، دا مرسته به د افغانستان په ټولو برخو کې د بشردوستانه مرستو د دوام لپاره مرسته وکړي.
اوچا مخکې ویلي و چې د ۲۰۲۶ کال له پیل څخه شپږ میاشتې تېرې شوې، خو یوازې ۱۷ سلنه د خپلې اړتیا وړ بودیجې ترلاسه کړې ده. د ملګرو ملتونو د دې ادارې په وینا، د افغانستان زیاتره اړمن خلک هره ورځ د سختو پریکړو سره مخ دي، چې د خوراک او درملو ترمنځ یا د نن ورځې او سبا ورځې د خوراک ترمنځ څه انتخاب کړي.
د نړیوالې خوړو پروګرام (دبلیو اف پی) هم خبرداری ورکړی چې په افغانستان کې ۱۳.۸ میلیون کسان د خورا ناامنه خوراکي وضعیت سره مخ دي، چې دا وضعیت د بحراني یا اضطراري کچې په سر کې دی.
سرچینه: Azadi Radio افغانستان
