د نړیوالې روغتیا سازمان (WHO) د ماشومانو او ځوانانو د چاقۍ د زیاتیدو پر وړاندې خپلې لومړنۍ لارښوونې خپرې کړې دي. په دې لارښوونو کې د روغتیا سیستمونو او روغتیايي کارکوونکو ته سپارښتنې شوي چې د خلکو په ګټه او د شواهدو پر بنسټ وخت پر وخت خدمات وړاندې کړي.
د دې سازمان په راپور کې ویل شوي چې په ۲۰۲۴ کال کې ۱۷۰ میلیونه ماشومان او ځوانان چې عمرونه یې له ۵ څخه تر ۱۹ کلونو پورې دي، د چاقۍ سره مخ دي، چې له دې جملې ۷۰ میلیونه ماشومان د ۵ تر ۹ کلونو پورې عمر لري. د چاقۍ د خپرېدو کچه په دې عمر ګروپ کې له ۱۹۹۰ کال راهیسې څلور چنده شوې او له ۲ سلنې څخه ۸ سلنې ته لوړه شوې ده.
د نړیوالې روغتیا سازمان د دې وضعیت د مخنیوي لپاره د روغتیايي خدماتو د وړاندې کولو په برخه کې د نوو تګلارو وړاندیز کړی دی. دا لارښوونې د دې لپاره دي چې د ماشومانو او ځوانانو د چاقۍ د مخنیوي لپاره مؤثرې لارې چارې وموندل شي.
د چاقۍ د زیاتېدو اصلي عوامل د ناسم تغذیې، کم فعالیت، او د روغتیايي خدماتو د نشتوالي په ګډون ګڼل شوي دي. د دې سازمان په وینا، د روغتیايي خدماتو کارکوونکي باید د ماشومانو د چاقۍ د مخنیوي لپاره د والدینو او ټولنې سره همکاري وکړي.
د دې نوې لارښوونو په مرسته، نړیواله روغتیا سازمان هیله لري چې د ماشومانو د چاقۍ د مخنیوي لپاره مؤثره ګامونه پورته کړي او د دې ستونزې د حل لپاره د روغتیايي خدماتو کیفیت لوړ کړي.
موضوع: د ماشومانو چاقۍ مخنیوی
سرچینه: BBC Dari
