پنځه اروپايي هېوادونه د بې اسناده کډوالو د اخراج لپاره د کډوالو مرکزونه د اروپايي ټولنې بهر جوړولو ته چمتو شوي دي. جرمني، اتریش، یونان، ډنمارک او هالنډ په دې لټه کې دي چې د ۲۰۲۶ کال تر پایه د بې اسنادو او غیرقانوني کډوالو د اخراج لپاره په یو شمېر هېوادونو کې د کډوالو د مرکزونو د جوړولو په اړه هوکړه وکړي.
د دې پنځو هېوادونو چارواکو پرون په کوپنهاګ کې د کډوالو د اخراج په اړه یوه ناسته وکړه، چې په کې یې د کډوالو د مرکزونو جوړولو په اړه خبرې وکړې. په دې ناسته کې د هغو هېوادونو نومونه چې د کډوالو د ساتنې مرکزونه به په کې وي، نه دي یاد شوي.
د اروپا ټولنې شورا او د بشري حقونو یو شمېر سازمانونه د دې پروسې په اړه اندیښنه څرګندوي او خبرداری ورکوي چې د کډوالو اخراج د کډوالۍ قوانینو خلاف دی. دوی وايي چې دا ډول اقدامات د بشري حقونو خلاف عمل دی او د کډوالو د حقونو ته زیان رسوي.
د دې پنځو هېوادونو هدف دا دی چې د کډوالو د ستونزو حل لپاره د اروپايي ټولنې د بهر د کډوالو مرکزونه جوړ کړي، خو د دې پروسې په اړه د بشري حقونو سازمانونو غبرګونونه ښیي چې د کډوالو د حقونو ساتنه باید لومړیتوب ولري.
د بشري حقونو فعالان او سازمانونه په دې باور دي چې د کډوالو د ساتنې مرکزونه باید د بشري حقونو د اصولو سره سم وي، ترڅو د کډوالو د حقونو او کرامت ساتنه وشي.
موضوع: د بې اسناده کډوالو د اخراج لپاره د مرکزونو جوړول
سرچینه: Azadi Radio Pashto NEWS
