روسیه د ناتو ته خبرداری ورکړی چې که چیرې دغه ائتلاف د کالینینګراد سیمه د روسیې له نورو برخو سره جلا کړي، نو مسکو د هستهای وسلو د استعمال لپاره چمتو دی. کالینینګراد د روسیې یوه سیمه ده چې د بالتیک سمندر په ساحل کې موقعیت لري او له اصلي روسیې څخه شاوخوا ۶۵۰ کیلومتره فاصله لري. دا سیمه د پولند او لیتوانیا ترمنځ موقعیت لري، چې دواړه د ناتو غړي دي.
د رویترز راپور له مخې، دغه ګواښ د یوې غیر رسمي دیپلوماټیکې سند په توګه ناتو ته لیږل شوی دی. په دې سند کې، مسکو ویلي چې هر ډول هڅه چې د کالینینګراد د «منزوي کولو» په موخه وشي، ممکن د مستقیمې جګړې او حتی د ناتو د غړو هېوادونو د پرېکړو مرکزونو ته د برید لامل شي.
ناتو د دې سند ترلاسه کول تایید کړي او ویلي یې دي چې د دوی فعالیتونه او تمرینونه د روسیې لپاره کومه ګواښ نه جوړوي. دا ګواښ په داسې حال کې مطرح شوی چې د روسیې او اروپایي هېوادونو ترمنځ تنش زیات شوی او دواړه لوري یو بل ته د امنیتي ګواښونو د زیاتولو تورونه لګوي.
د روسیې او ناتو ترمنځ دا تازه تنش د نړیوالو اړیکو په ساحه کې د پام وړ بدلونونه رامنځته کوي. د ناتو غړي هېوادونه د روسیې د دې ګواښونو په وړاندې د خپل امنیت د ساتنې لپاره جدي تدابیر نیسي. د دې وضعیت د لا خرابېدو مخنیوي لپاره، نړیوالې ټولنې ته اړتیا ده چې د دیپلوماټیکو لارو چارو په مټ د دې تنش د کمولو هڅې وکړي.
موضوع: روسیه د ناتو ته هستهای ګواښ
سرچینه: Azadi Radio جهان
