د طالبانو د معادن او پترولیم وزارت د هرات ولایت په غرب کې د سمنت «گلبهار» د تولید فابریکې د تهدابگذاری خبر ورکړ. دا فابریکه نن (یکشنبه، ۱۸ اسد) د طالبانو د اقتصادي مرستیال عبدالغنی برادر په حضور کې تهدابگذاری شوه. عبدالغنی برادر د دې فابریکې د جوړولو پیل د ځان بساینې په لور یو مهم ګام بللی او ویلي یې دي چې د دې فابریکې د فعالیت له پیل سره به د وارداتي سمنت په اړه وابستګي کمه شي.
برادر د طالبانو د اړوندو چارواکو او د دې فابریکې د تخنیکي ټیم څخه غوښتنه وکړه چې د دې فابریکې جوړول په ټاکلي وخت کې او د ښه کیفیت سره بشپړ کړي. هدایتالله بدری، د طالبانو د معادن او پترولیم وزیر، وویل چې په دې پروژه کې د پانګونې حجم شاوخوا ۱۴۳ میلیون ډالره دی. هغه زیاته کړه چې دا فابریکه به د جوړیدو وروسته ورځنۍ شاوخوا درې زره ټنه سمنت تولید کړي.
اوس مهال افغانستان د خپلې سمنت اړتیا یوه لویه برخه له ګاونډیو هیوادونو، په ځانګړي توګه ایران، څخه واردوي. د ایران رسنیو راپور ورکړی و چې د پاکستان او افغانستان د سرحدونو د تړل کیدو له امله، د ایران سمنت صادرات افغانستان ته په اوونۍ کې زر ټنو ته رسېدلي دي.
موضوع: د هرات په ولایت کې د سمنت فابریکې جوړول
سرچینه: روزنامه اطلاعات روز
