د امریکا د خزانې وزارت د ایران پر ۲۷ هوايي شرکتونو نوي بندیزونه اعلان کړي دي. په دې اړه په یوه رسمي بیان کې ویل شوي چې دغه هوايي شرکتونه له اوږدې مودې راهیسې د ایران رژیم ملاتړ کوي او د ایران سپاه پاسداران د وسلو او پرسونل د انتقال لپاره له دې شرکتونو څخه ګټه اخلي.
د امریکا د خزانې وزیر سکاټ بسنټ هم په دې اړه څرګندونې کړي او ویلي یې دي چې د دې بندیزونو له مخې، که ایرانۍ الوتکې په کوم هوايي ډګر کې کیني، نو هغوی ته به تیل یا نور خدمات نه وړاندې کیږي. بسنټ زیاته کړې چې که چیرې دغه شرکتونه د امریکا د ډالري سیسټم سره اړیکه ولري، نو له دې سیستم څخه به لرې شي.
د ایران ولسمشر مسعود پزشکیان د امریکا د دې اقدام په وړاندې غبرګون ښودلی او ویلي یې دي چې د دې بندیزونو په مقابل کې به مقاومت وکړي. هغه د امریکا د خزانې وزارت د دې اقدام په اړه اندیښنه څرګنده کړې ده.
د امریکا له خوا د ایران په هوايي شرکتونو د دې تازه بندیزونو وروسته، په ځینو هېوادونو کې د ایران د هوایي شرکتونو د الوتنو د کمېدو راپورونه هم ورکړل شوي دي. دا بندیزونه د ایران د هوایي شرکتونو لپاره یوه نوې ستونزه رامنځته کوي، چې ممکن د دوی د فعالیتونو په محدودولو کې مرسته وکړي.
د امریکا د خزانې وزارت په دې بندیزونو کې د ایران د سوداګریزو هوايي شرکتونو د فعالیتونو محدودول هدف ګرځولي دي، چې د نړیوالو اړیکو په برخه کې د ایران د نفوذ کمولو هڅه ده.
موضوع: د ایران هوايي شرکتونو بندیزونه
سرچینه: Azadi Radio Pashto NEWS
