د افغانستان د فوټسال ملي لوبډله به د یکشنبې په ورځ، د تلې ۲۶مه، د کېپ ورډ ملي لوبډلې سره سیالي وکړي. دغه لوبه د برازیل په ساو ژوزه دوس پینهایس ښار کې د شپږو هېوادونو ترمنځ د فوټسال سیالیو په ترڅ کې ترسره کیږي.
افغانستان د شنبې په ورځ، د تلې ۲۵مه، د پېرو ملي لوبډلې سره خپله دویمه لوبه وکړه چې په کې یې درې پر صفر بریا ترلاسه کړه. دا بریا د افغانستان لوبډلې ته څلور امتیازونه ورکړل او په دوهمه ډله کې یې د لومړي مقام په ترلاسه کولو سره د نیمه پایلوبې لپاره د تګ لاره هم هواره کړه.
د جاپان لوبډلې هم د دوو امتیازونو په ترلاسه کولو سره د دوهمې ډلې د دویم مقام په توګه نیمه پایلوبې ته لار موندلې ده. د لومړۍ ډلې په سیالیو کې، برازیل د لومړي مقام په خپلولو سره د نیمه پایلوبې لپاره چمتو دی.
د فوټسال دغه سیالۍ د اکتوبر له ۱۲مې تر ۱۸مې پورې د افغانستان، جاپان، پېرو، برازیل، اندونیزیا او کېپ ورډ د لوبډلو ترمنځ ترسره کیږي. د افغانستان لوبډله د دې سیالیو په ترڅ کې د خپلې بریا لړۍ ته دوام ورکوي او د کېپ ورډ سره د راتلونکې لوبې لپاره چمتووالی نیسي.
موضوع: افغان فوټسال ملي لوبډله
سرچینه: Azadi Radio Pashto NEWS
