«جبهه متحد افغانستان» اعلان وکړ چې د دې ډلې ځواکونو په تېرو ۴۸ ساعتونو کې په پنځو ولایتونو کې د طالبانو پر ضد عملیات ترسره کړي، چې له امله یې ۱۹ طالبان وژل شوي او ټپیان شوي دي. جبهه متحد د جمعې په شپه (۱۶ اسد) په یوه خبرپاڼه کې وویل چې دغه عملیات په قندهار، هلمند، غور، بغلان او بدخشان ولایتونو کې ترسره شوي دي.
د خبرپاڼې له مخې، جبهه متحد ویلي چې د دې عملیاتو په ترڅ کې یې دوه د طالبانو قرارګاه ګان نیولي او د هغوی ګڼ شمېر وسلې او مهمات هم ترلاسه کړي دي. د جبهه متحد په وینا، په قندهار ولایت کې د «بند تیمور» په سیمه کې دوه جلا عملیات ترسره شوي، چې په یوه کې یې د طالبانو یو لوړ پوړی افسر وژل شوی دی.
همدارنګه، جبهه متحد ادعا کوي چې په قندهار ښار کې د امنیت د ۱۵مې حوزې په اړوند یوه بل عملیات کې یې یو طالب وژل شوی دی. د هلمند ولایت په «بر نوزاد» سیمه کې هم د دې ډلې ځواکونو یوه عملیات ترسره کړی، چې په نتیجه کې یې د طالبانو یو قوماندان وژل شوی دی.
د غور ولایت په «گرداب» سیمه کې هم جبهه متحد د طالبانو یوه قرارګاه نیولې، چې له امله یې دوه طالبان وژل شوي او څلور نور ټپیان شوي دي. په بغلان ولایت کې هم د پل حصار په ولسوالۍ کې د طالبانو یوه نظامي قرارګاه نیول شوې، چې په نتیجه کې یې دوه طالبان وژل شوي او درې نور ټپیان شوي دي.
جبهه متحد د بدخشان ولایت په ارګو ولسوالۍ کې د خپل لومړي برید خبر هم ورکړی، چې په ترڅ کې یې یو طالب وژل شوی او څلور نور ټپیان شوي دي. تر اوسه پورې طالبانو د جبهه متحد د دې ادعاوو په اړه څه نه دي ویلي. مخکې له دې، ذبیحالله مجاهد، د طالبانو ویاند ویلي و چې جبهه متحد په هېواد کې د حضور فعالیت نه لري.
سرچینه: روزنامه اطلاعات روز
