د امریکا د بهرنیو چارو وزارت د عربستان سعودي لپاره د ۴۸ فروند اف-۳۵ جنګی الوتکو پلور احتمال تایید کړی دی. د دې معاملې ارزښت شاوخوا ۲۴.۳ میلیارد ډالر اټکل شوی دی.
د رویټرز راپور له مخې، دا معامله یوازې الوتکې نه بلکې ۴۹ انجنونه، د اړیکو تجهیزات، پرزې او نور ملاتړ تجهیزات هم شامل دي. سره له دې، د دې معاملې په اړه وروستۍ پریکړه لا تر اوسه نه ده شوې او باید د امریکا د کانګرس له خوا تصویب شي.
که چیرې دا معامله تایید شي، عربستان سعودي به د اسرائیل وروسته په منځني ختیځ کې دویم هیواد وي چې اف-۳۵ جنګی الوتکې به ولري. ریاض ویلي چې دا پرمختللې جنګی الوتکې به د دې هیواد دفاعي وړتیاوې پیاوړې کړي.
اسرائیل شاوخوا یوه لسیزه وړاندې اف-۳۵ جنګی الوتکې ترلاسه کړې او له هغو څخه یې په جګړو کې کار اخیستی دی. د امریکا د بهرنیو چارو وزارت د دې معاملې د تایید لپاره د کانګرس پریکړې ته انتظار دی، چې د دې پروسې په ترڅ کې به د عربستان سعودي او امریکا ترمنځ د اړیکو لا پیاوړتیا هم رامنځته شي.
د اف-۳۵ جنګی الوتکې د پرمختللي ټیکنالوژۍ او د جګړې په ډګر کې د خپلو ځانګړتیاو له امله شهرت لري، او د دې الوتکو ترلاسه کول به د عربستان سعودي د دفاعي ستراتیژۍ لپاره مهم ګام وي.
موضوع: امریکا د اف-۳۵ جنګی الوتکو پلور
سرچینه: Azadi Radio خبر ها
