اطلاعات روز: له کندهار څخه ځايي سرچینې وايي چې د کندهار ښار په دویمه حوزه کې یوه ځوان ځان زندۍ کړی او مړ شوی.

د سرچینو په وینا، د دې ځوان «میرام شاه آغا» دی چې تېر ماښام ناوخته (سې‌شنبه، ۱۳ د وږي) یې د کندهار ښار د دویمې حوزې اړوند په «حاجي باقي کالونۍ» سیمه کې ځان وژنه کړې ده.

سرچینو ویلي، میرام شاه آغا له څه مودې راهیسي له رواني ستونزو کړېده.

د سرچینو په وینا، نوموړي د خپلې خونې په تشناب کې ځان ځړولی او کورنۍ یې سهار په خبره شوې ده.

کندهار کې د طالبانو د امنیې قومندانۍ مسوولین هم دا پېښه تاییدوي او زیاتوي چې د میرام شاه آغا جسد یې نن سهار کندهار ښار کې میرویس حوزوي روغتون ته لېږدولی.

د طالبانو د امنیتي مسوولینو په وینا چې د دې پېښې په تړاو یې پلټنې پیل کړې دي.

د یادونې وړ ده چې پر هیواد د طالبانو تر واکمنېدو وروسته د هیوادوالو تر منځ د ځان وژنې کچه لوړه شوې ده چې تر ډېره حده یې لامل بې‌کاري او بد اقتصادي وضعیت بلل کېږي.

The post کندهار کې یوه ځوان ځان وژنه کړې appeared first on اطلاعات روز پشتو.