د ناټو تړون جوړېدو ۷۵یم کال؛ مشران یې واشنګټن کې سره غونډېږي

د ناټو تړون جوړېدو ۷۵یم کال؛ مشران یې واشنګټن کې سره غونډېږي
د ناټو د ۳۲ غړو هېوادونو مشران، د دوی د ملګرو هېوادونو او اروپايي ټولنې مشران د دې بلاک د جوړېدو د ۷۵یم کال د نمانځنې لپاره په واشنګټن کې سره راغونډېږي. تمه ده چې د اوکرایین ولسمشر ولودیمیر زېلېنسکي هم په دې غونډه کې ګډون وکړي.
ښاغلي زېلېنسکي له لویدیځو متحدینو غوښتي، چې د دوی هوايي تجهیزاتو سمبالولو چاره ګړندۍ کړي، ځکه له څو میاشتو راهیسې د روسیې بریدونو زور اخیستی دی.
د ملګرو ملتونو چارواکو ویلي، د مې میاشت په نژدې یوه کال کې د ملکي مرګژوبلې له اړخه تر ټولو خونړۍ وه.